Мумбайн үзэсгэлэнт хос цамхаг

Энэтхэгийн Мумбай хотноо тун удахгүй Аквариа Гранд хэмээх хос цамхаг сүндэрлэнэ. Хос цамхгийг Энэтхэгийн үл хөдлөх хөрөнгийн Вадхва группийн захиалгаар барьж байгаа бөгөөд архитектороор нь Жэймс Лаав ажиллажээ.

 

     Цамхаг тус бүр 37 давхар бөгөөд гурван тал руугаа харсан, 200 гаруй айлын орон сууц, машины гурван давхар гараж, дээд давхрынхаа тагтан дээр болон барилгын доод тавцандаа ил усан сантай, усан сангийн хажууд цэцэрлэгт хүрээлэнтэй гэдгээрээ олны анхаарлыг ихэд татаж байгаа юм.

Тавцан дээрээ усан сан, цэцэрлэгт хүрээлэн байгуулсан нь уран барилгын ур шидийг харуулсан гэлтэй. Мөн энд спорт клубууд, зоогийн газар, олон нийтийн арга хэмжээ зохион байгуулах танхим хүртэл байрлах юм.

 

      Цамхагийн санаа энгийн нэгэн модноос төржээ. Цамхагийн айлууд модны гол хэсгийг, дээврийн хэсэг болоод цэцэрлэгт хүрээлэнг модны навчтай зүйрлэсэн байна. Айл бүр дугуйрсан тагтнаасаа гаднах үзэсгэлэнт талбайгаа харж болно. Давхар хоорондын зай нь 3,6 метр байгаа нь өрөөг цэлгэр уужим болгож байгалийн гэрэл сайн нэвтрүүлэх бол цамхгийн дээд давхарт Скай Палас хэмээх тансаг зэрэглэлийн орон сууц байрлуулсан нь хүмүүсийн анхаарлыг татах зорилготой ажээ.

 

      Цамхагийн дээврийн доор дотроо цэцэрлэг бүхий барбекью хийх тавцан, гадагш харангаа дураараа сэлж болох жакуззи байх юм. Цамхагийн дээврийг гурван тал руу чиглэсэн од хэлбэрийн шилэн бүрхүүлээр хийнэ. Энэ нь

1.      Эрчим хүчний зарцуулалтыг багасгаж нарны эрчим хүчийг ашиглах

2.      Бүрзгэр шил нь гаднаас ирэх нарны хурц тусгалыг хаах

Дээврийн цэцэрлэгт байгалийн гэрлийг тусгах зорилготой юм байна.

Мэдээг оруулсан: "Барилга.МН" Сэтгүүл
Эх сурвалж:

Хуудсыг боловсруулсан 0.1033 секунд