Ирэх намар агаарын бохирдол 30 хувиар буурна

Нийслэлийн 21 байршил буюу 40 мянга гаруй га талбайд гэр хорооллын дахин төлөвлөлт хийгджээ. Өөрөөр хэлбэл 1489 гаруй айл өрхтэй гүйцэтгэгч компаниуд орон сууцжуулахаар гэрээ байгуулсан байна.

Одоогоор нийт талбайн 30-40 га-д дахин төлөвлөлтийн ажил идэвхтэй өрнөж байгаа юм. Харин зарим гүйцэтгэгч компани иргэд хоорондоо газрыг үнэлэх тохиролцох ажил удааширч байгаагаас газар чөлөөлөх ажил хугацаанаас хойшлогдож  байгаа аж.
Ирэх сараас эхлэн эхний ээлжийн орон сууцнууд ашиглалтанд орохоор төлөвлөгдсөн. Тухайлбал Сонгинохайрхан дүүрэг Хэро Холдинг компани дахин төлөвлөлтийн ажлыг гүйцэтгэж байгаа бөгөөд ирэх сардаа багтаж 168 мянган айлын орон сууцыг ашиглалтанд оруулна.

Уг нь энэ жилдээ хэд хэдэн компани орон сууцаа ашиглалтанд оруулахаар үүрэг хүлээсэн  боловч ажил төлөвлөсний дагуу явагдаагүй гэсэн шалтгаанаар ирэх оны эхний улирал хүртэл хойшлогдоод байна.

Нийслэлийн засаг дарга Э.Бат-Үүл “Энэ жил гэхэд 1000 –д гэр хорооллын айл өрх орон сууцандаа орохоор болсон. Харин ирэх намар 6 мянга орчим өрх орон сууцандаа орно” гэлээ.

Гэр хороололд дахин төлөвлөлт хийснээр таван хорооллын  40 орчим мянган айлын орон сууц баригдана. Ингэснээр агаарын бохирдлын гол хэсэгт байрлах 7 мянган нэгж талбар буюу хашааны газар чөлөөлөгдсөн агаарын бохирдол 30 хувиар буурна гэсэн тооцоог нийслэлээс хийгээд байна. Мэдээг оруулсан: A.Otgonchimeg
Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс

Хуудсыг боловсруулсан 0.1013 секунд